332               TESTAMENTS ENREGISTRÉS AU PARLEMENT DE PARIS            (572)
compétent salaire, et oultre lui sera baillie pour offrir à la glorieuse Vierge plus que son voyage ne monte et autant que icy pourroie des­pendre à aler à cheval, qui de ce apportera certificacion de l'eglise de Boulongne.
Item, je vueil et ordonne que aux hoirs de feu maistre Andry de Vray, jadiz chanoine de Saint. Spire de Corbueil, nez de Pontoise, soit baillie douze frans pour prier pour le dit defunt, et ou cas que .aucuns hoirs n'y auroit legitimes, que cent messes soient dictes par les reli­gieux des quatre ordres Mendians à Paris toutes en ung jour, en eulx recommandant l'ame du dit defunt et de moy, ou cas toutes voies que mes executeurs ne trouveroient entre mes quictances que je en doye demourer deschargiez.
Item, vueil et ordonne que trente cinq solz Parisis que devoit Guil­laume de Mont Lehery a cause de Jehan Charron, assignez par lui sur le jardin et saussoye de Jehan Chapollain pres de la riviere d'Essonne que j'ay donné à l'eglise de Nostre Dame de Corbueil, avecques autre rente pour faire certains services à la dicte eglise en récompensant l'eglise du Vielx Corbueil, pour ce vueil qu'ilz soient assignez sur ma maison du Marché au blé devant la Groix, que je achetay de messire Giles Malet, chevalier, ou cas dessus dit, après huit solz Parisis que l'eglise Nostre Dame de Corbueil y doit prendre avant tous autres.
Item, je vueil et ordonne que tantost après mon decès ung service solennel soit fait à l'Ostel Dieu de Paris, et pour ce faire à chascun frere prestre deux solz Parisis et uon prestre seize deniers, et dames d'icellui hostel qui y seront presens, tant voilées comme non voilées, leur soit distribué à chascune douze deniers Parisis en leur main, et à chascun povre gisant à celle heure quatre deniers Parisis.
Item, à l'office du maistre, pour estre acompaigné es prieres de l'Ostel dix frans, et à l'office de la prieuse cinq frans.
Item, je vueil et ordonne, que ou cas que je n'auroye fondé mon obseque en l'eglise Saint Spire de Corbueil, où j'ay esté chanoine jus­ques à aujourduy trente deux ans ou environ, avant mon trespassement, que mes executeurs finent et composent à ceulx de la dicte eglise de